تارازدىق كاسىپكەرلەر «رۋحاني جاڭعىرۋ» باعدارلاماسى اياسىندا تۋعان ولكەنىڭ وسىپ-وركەندەۋى جولىندا دەمەۋشىلىك تانىتۋدا وزگەلەرگە ۇلگى بولارلىق ءىستىڭ باسى-قاسىنان تابىلىپ ءجۇر. وتكەن جىلى تارازدىق جومارت جانداردىڭ كومەگىمەن جۇزەگە اسىرىلعان اۋقىمدى جوبالاردىڭ جالپى قۇنى 374 ميلليون تەڭگەنى قۇرادى دەپ جازادى Qamshy.kz اقپارات اگەنتتىگى. 

ماسەلەن جەكە كاسىپكەر ارمان جۇمابايەۆ تەمىر جول بەكەتى ماڭىنداعى سكۆەردى اباتتاندىرۋعا 150 ميلليون تەڭگەگە كومەك كورسەتكەن. ال «ارايسترويماركەت» ءجشس-نىڭ ديرەكتورى ارمان ەدىلبايەۆ «اتشابار» سكۆەرىنىڭ قۇرىلىسىنا 224 ميلليون تەڭگە جۇمسادى. وتكەن جىلى قالا كۇنى قارساڭىندا پايدالانۋعا بەرىلگەن قوس نىساندا بۇگىندە قالا قوناقتارى مەن تۇرعىندارى ءۇشىن سۇيىكتى دەمالىس ورنى اينالعان. سونداي-اق قازاقستان رەسپۋبليكاسىنىڭ سپورت شەبەرى، ايەلدەر اراسىندا كاسىپقوي بوكستان الەم چەمپيونى فيرۋزا شاريپوۆا دا «تۋعان جەر» جوباسىنا قاتىسىپ، ءوز باستاماسىمەن ءبىر وتباسىندا ەكى مۇمكىندىگى شەكتەۋلى بالا تاربيەلەپ وتىرعان تارازدىق جولدىبايەۆتار جانۇياسىنا اۆتوكولىك سىيلادى. قازاقستاننىڭ ەڭبەك ەرى، «شاۋشەن» شارۋا قوجالىعىنىڭ باسشىسى سايرانباي دونەنبايەۆ تاراز قالاسىنداعى قايرات رىسقۇلبەكوۆ ساياباعىندا ءوز مازىرىندە ۇلتتىق تاعام تۇرلەرىنە باسىمدىق بەرگەن «عيبرات» ورتالىعىن اشتى.

قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا «ارايسترويماركەت» جاۋاپكەرشىلىگى شەكتەۋلى سەرىكتەستىگىنىڭ ديرەكتورى ارمان ەدىلبايەۆ پەن «التايس گرۋپپ» جاۋاپكەرشىلىگى شەكتەۋلى سەرىكتەستىگىنىڭ ديرەكتورى الىمبەك جۇمابايەۆتىڭ دەمەۋشىلىگىمەن تارازدىق تۇرعانوۆتار، ابىلباشيروۆتەر وتباسىلارىنا باسپانالى بولۋ باقىتى بۇيىردى.

ەلباسىنىڭ «رۋحاني جاڭعىرۋ» باعدارلاماسى جاريالانعان جىلى «قازفوسفات» ءجشس-نىڭ باس ديرەكتورى مۇقاش ەسكەندىروۆ ءوز قاراجاتى ەسەبىىنەن «مىڭبۇلاق» مولتەك اۋدانىندا امبەباپ زاماناۋي سپورتتىق الاڭشاسىنىڭ بوي كوتەرۋىنە مۇرىندىق بولدى. بۇل الاڭشادا ءبىر مەزگىلدە 25 بالا سپورتتىڭ ۆولەيبول، باسكەتبول، شاعىن فۋتبول سىندى تۇرلەرىن ويناي الادى. وسىناۋ يگى باستامانىڭ جانىنان تابىلىپ جۇرگەن قالالىق ءماسليحاتتىڭ دەپۋتاتى رۋسلان كان «سامال» شاعىن اۋدانىندا 25 جانە 30 ۇيلەردىڭ اۋلاسىنا بەينەباقىلاۋ جۇيەسىن ەنگىزدى. ال وبلىستىق ءماسليحاتتىڭ دەپۋتاتى، تاراز يننوۆاسيالىق-گۋمانيتارلىق ۋنيۆەرسيتەتىنىڭ رەكتورى ەربولات ساۋرىقوۆ 12 تالاپكەردىڭ جوعارى ءبىلىمدى تەگىن الۋىنا جاعداي جاسادى.بۇل مۇمكىندىك «تاراز» فۋتبول كلۋبىنىڭ قوسالقى قۇرامىندا ونەر كورسەتەتىن 9 سپورتشى مەن 3 مۇمكىندىگى شەكتەۋلى ازاماتقا بەرىلدى.

بۇدان وزگە، وبلىس ورتالىعىنداعى عىلىمي-كلينيكالىق كارديوحيرۋرگيا جانە ترانسپلانتولوگيا ورتالىعىنىڭ جەتەكشىسى، بىلىكتى دارىگەر جەكە 3800 تۇرعىندى تەگىن دارىگەرلىك تەكسەرۋدەن وتكىزدى. وبلىس ورتالىعىنىڭ كوگەرىشتەندىرۋ، كوركەيتۋ ىسىنە ۇلەس قوسىپ جۇرگەن «جاسۇلان ي ك» ءجشس-نىڭ ديرەكتورى ج.وماروۆا از قامتاماسىز ەتىلگەن ءبىر وتباسىنان شىققان بالانىڭ 5 جىلدىق وقۋ اقىسىن تولەپ بەردى.

مىنە، تارازدىق اتىمتاي جومارت جاندار قوعامدىق سانانى جاڭعىرتۋدى ماقسات ەتكەن «رۋحاني جاڭعىرۋ» باعدارلاماسىن جوعارى دا اتالعان ىزگى امالداردىڭ باعدارلاماسى رەتىندە قابىلداپ ءجۇر. ءارى ولار مىڭداعان جەرلەستەرىنە سول باعدارلامانىڭ شاراپاتىن سەزىنۋگە مۇمكىندىك بەرىپ ءجۇر.